Belqrad Universitetinin professoru Erasmus+ çərçivəsində ADBTİA-da təlim keçir
Serbiyanın Belqrad Universiteti və Azərbaycan Dövlət Bədən Tərbiyəsi və İdman Akademiyası (ASAPES) arasında imzalanmış Müəssisələrarası Müqaviləyə əsasən, Erasmus+ proqramı çərçivəsində ilk dəfə inzibati heyətin mübadiləsi baş tutub. Mübadilə çərçivəsində Belqrad Universitetinin professoru doktor Aleksandar Nedeljkoviç Azərbaycanda səfərdədir.
Qonaq Akademiyanın idman infrastrukturu, Multimedia mərkəzi və Elmi-tədris laboratoriyası ilə tanış olub və ona hər 2 mərkəzin fəaliyyət istiqaməti ilə bağlı ətraflı məlumat verilib.
Professor həmçinin Akademiyanın Elmi işlər, beynəlxalq əlaqələr və keyfiyyət siyasəti üzrə prorektoru Təhminə Tağı-zadə və Beynəlxalq əlaqələr şöbəsinin müdiri Cəmilə İsmayılzadə ilə görüşüb. Görüş zamanı əməkdaşlığın daha da genişləndirilməsi, ASAPES tələbələri üçün biomexanika üzrə dərs modullarının təşkili və birgə tədqiqat aparılması məsələləri müzakirə edilib.
Professor Aleksandar Nedeljkoviç ASAPES-in inzibati və professor-müəllim heyətinə Belqrad Universitetində idman tibbi və reabilitasiya sahəsində apardığı tədqiqat işi haqqında təqdimat da edib.
#ASAPES #İdmanAkademiyası #Lab #İdmantibbireabilitasiya #İdmantibbibakı
#İdmantibbiaze #Reabilitasiyaaze #Reabilitasiyabakı #Reabilitasiya #idmantibbi
#İdmantibbimagistratura #Reabilitasiyamagistratura #Sportsmedicine
#Rehabilitation #Sportsmedicineaze
#Sportsmedicinebaku #Rehabbaku #Rehabilitationbaku #ASAPESsportsmedicine
