ASAPES-in tələbələri Karlov Universitetində xüsusi seminarlara qatılıblar

28 fevral - 04 mart tarixlərində Azərbaycan Dövlət Bədən Tərbiyəsi və İdman Akademiyası (ASAPES) və ComplexCore+ şirkəti arasındakı əməkdaşlıq çərçivəsində şirkətin təsisçisi, ASAPES-in Proqram direktoru Roman Yahodanın rəhbərliyi ilə Akademiyanın tələbələri üçün Klinik praktika, Klinik sahələrdə fizioterapevtik metodlar, Manual terapiya mövzularında xüsusi seminarlar keçirilib. Çexiya Respublikasının Karlov Universitetində təşkil olunan seminarlarda “Bədən tərbiyəsi və idmanda reabilitasiya” ixtisası üzrə təhsil alan tələbələr Nərgiz Ağayeva, Nigar Zeynalova və Ofelya Zeynalova iştirak ediblər.